Xornada de sensibilización sobre as necesidades sociais das persoas xordas
Co fin de promover a equidade, diversidade e inclusión social na materia Saúde, dependencia e vulnerabilidade social da Escola de Enfermería de Pontevedra, propoñénse charlas de sensibilización sobre necesidades sociais en distintos colectivos vulnerables co fin de promocionar coidados inclusivos e universais.
Neste contexto, o día 10 de novembro de 2022 Ingrid Giráldez e Camilo Gutiérrez, da Federación de Asociacións de Persoas Xordas de Galicia (FAXPG), impartiron unha charla que mostrou a situación das persoas xordas na sociedade e concienciaron ao alumnado dos obstáculos para a garantía dalgúns dereitos, como o de expresarse na súa propia lingua (Lingua de Signos Española) ou o acceso á información a través da mesma.
Así mesmo, iniciaron ao alumnado na Lingua de Signos Española relacionada coa saúde.